مزيكا الفوتوغرافيا .. فى الصاوى

مزيكا الفوتوغرافيا .. فى الصاوى
كتبت- ندى الزرقانى

أقيم بالأمس _السبت الموافق 20 سبتمبر_ "المؤتمر السنوى الثانى لاتحاد المصورين العرب - فرع مصر" على مسرح قاعة الحكمة بساقية "عبد المنعم الصاوى" بالزمالك.

افتتح المؤتمر الفنان "جلال المسري" _عضو الأمانة العامة للاتحاد_ بنبذة عن تاريخ اتحاد المصورين العرب الذى أُنشئ عام 1999 ببغداد، والفنان صلاح الرشيدى _عضو المكتب التنفيذى_ الذى تحدّث عن إنجازات فرع الاتحاد فى مصر.

تضمن المؤتمر العديد من الفعاليات، من محاضرات وورش تصوير، و الاختتام بمسابقة حية على مسرح القاعة.

 قدم الورشة الأولى المصوّر "كريم سليمان" تحت عنوان "فن تصوير البورتريه" التى اشتملت على أساسيات تصوير البورتريه _أو الوجوه_ وأفضل العدسات المستخدمة فى تصويرها ومنها عدسة 85 ميلى.
تحدّث سليمان عن علاقة فتحة العدسة بعزل الخلفية وضرورة ارتباطها _الخلفية_ بالعنصر المصوّر.
كما تحدّث عن أخلاقيات تصوير الأشخاص وأهمية فتح بعض الحوارات معهم لكسر حاجز الرهبة من الكاميرا.
اختتمت الورشة بتجربة عملية لتعديل صورة بواسطة برنامج معالجة الصور "الفوتوشوب".

الفقرة التالية أدارها المصوّر "محمد عز" بنبذة عن سيرته الذاتية وكيفية التحول من الرسم بالفحم إلى تصوير الأبيض والأسود.
حث عز على ضرورة التفرّد والابتعاد عن التقليدية، وإمكانية توظيف العقبات وتحويلها إلى فرص، كما عرض مجموعة من صوره التى تم عرضها ببعض المعارض العالمية، بالإضافة إلى صور غير اعتيادية لمصورين أجانب.

تلى ذلك كلمة للمصور العالمى "أيمن لطفى" الذى أكد على ضرورة لعب المصور المصرى دور هام على النطاق العالمى؛ وذلك بالاشتراك فى المسابقات العالمية والمساعدة فى إشهار المصورين المصريين المتميزين.

قدم المصور "كريم نبيل" ورشة عن تصوير الفيديو بواسطة الكاميرا "دى إس إل آر".
بدأ نبيل  بتوضيح الفرق بين تصوير الفيديو والتصوير الفوتوغرافى، كما شرح بعض المعدات التى قد يحتاجها المصور فى هذا المجال، ثم قام بصناعة فيديو لعازف الكمان "مهاب" وسط أنغام الآلة الموسيقية بعد ضبط الإضاءة والديكور المجهز قبل بدء الورشة.

الورشة الثالثة كانت للطبيب _أو الحكيم كما لقبه الفنان جلال المسرى_ "محمد إسماعيل"، وكانت عن "الفوتوغرافية المفاهيمية".
أدار الحكيم الورشة مازجًا بين الطب والتصوير، وتحدث عن كيفية الإبداع عن طريق إخراج الطفل الكامن بداخل كل إنسان.

اختتم المؤتمر فعالياته بمسابقة بين 3 من المصورين الشباب وقام الجمهور بالتحكيم فيها.

نبش القبور

لا تنبُش فى القبور بين الرفات ..
فما تبحث عنه .. انقضى زمنه و فات ..

لا تعبث بـ تراب الموتى ..
ولا تدنُ من أرض الأموات

فـ ما لكـ فى لحد ..
قد مات ساكنه دون جنازات؟

دَع تلكـ الأرض بما فيها ..
مِن شر و أهوال و ممات ..

أتعُود الروح لـ جسد أثقلها ..
بعد أن صارت حرة .. طليقة فى السماوات؟

رفقًا يا عشاق

الكل جميعًا يتغنّى ..

و العاشق يحلمُ بـ الجنة ..

وربى العالمـ أحوالى ..

أدعوه فى يومـ أتهنى ..

عبير الحُب الفوّاح ..

رائحته مثل التفاح ..

يشتمه سائل مسكين ..

بـ كسرة خبز حتى يتمنّى

رفقًا رفقًا يا عُشّاق ..

فـ أنا قلبى أيضًا مشتاق ..

 فى دائرة مفرغة يترقص ..

و بـ نبضه دومًا يتثنّى

يتخطّف أحلى الكلمات ..

من هذا و من تلكـ و من ذات

عن بعد يرصد أشعارًا ..

و معازف صوتها يتجلّى

أتعجب من أثرٍ منقول ..

من عاشق إلى شخص مجهول ..

بـ أوتار قلوبٍ يتحكمـ ..

و بـ عشقه وحده يتحلّى

~~

حياتنا فى الشارع .. تحرش

يومـ حفل تنصيب السيسى ..
حصلت تحرشات جماعية فى التحرير ..
وصلت لـ حد الإغتصاب ..

مش عارفة الفيديو اللى انتشر كان صح و لا لأ ينتشر ..
بسـ ماننكرش انه خالى الناسـ كلها تحسـ شوية بـ حجمـ المشكلة اللى بنعيشها ..

انا مش هاتكلمـ هنا عن الحاجات اللى بتقابلنا فى الشارع كـ بنات ..
بسـ هاوصفلكمـ احنا وصلنا لـ ايه ..

انت كـ ولد أو راجل ..
أقصى حاجة ممكن تخاف منها و انت ماشى فى الشارع ..
انكـ تتثبت و تتسرق ..
و كبيركـ ... هاتتقتل ..
يابختكـ ... انت فعلاً عايش فى أمان :)

إحنا بقى البنات و الستات ..
بنخاف من نظرات الذكور لينا ..
حياتنا برة الشارع كلها متراقبة ..

بنختار الطريق اللى ممكن يكون فيه أقل خطورة ...
مش الطريق الأمان ...
عشان أصلاً مافيش أمان فى الشارع لينا !

احنا مش بنخاف نتقتل ..
لأن القتل هين جنب أمور تانية ..

وصل الحال بينا اننا فى عز النهار ممكن تلاقينا بنجرى فى الشارع ..
لـ مجرد اننا سامعين صوت خطوات ماشية ورانا ..

و احنا فى المواصلات ..
كل شوية يجيلنا وسواسـ ان اللى قاعد ورانا بيضايقنا ..
فـ ماتستغربش لو قدامكـ بنت كل شوية تلاقيها بتبصلكـ فجأة و بتبرقلكـ

لو ماشيين فى شارع عمومى فيه عربيات ..
بنفكر الف مرة .. نمشى الناحية اللى تبقى العربيات فى وشنا و قريبة ..
و لا الناحية التانية اللى العربيات جاية من ورانا بسـ بعيدة شوية ؟

أنا متـــأكدة ..
ان حتى بعد فيديو التحرير ..
فيه ناسـ كتير مش متخيلة الحجمـ الحقيقى للمشكلة ..
سواء الولاد .. 
أو حتى البنات اللى مابتتحركش في الشارع لوحدها أو من غير عربية

بسـ المشكلة فعلاً أكبر مما تتخيلوا ..
حتى المتحرش نفسه ممكن يكون مش متخيل ..

و الموضوع مش جديد ..
للأسف انى أقول ان من و احنا صغيرين بنتعرض للتحرش ..
الحكاية بسـ زادت الفترة الأخيرة و بقت عالمكشوف أكتر ..

حياتنا كلها فى الشارع بتدور حوالين التحرش ..
يا إما و احنا بنتعرض له بـ الفعل ..
أو و احنا بنهرب منه ..

يمكن ناسـ تقرا الكلامـ دة تقول انى اتجننت ..
بسـ انا مش لوحدى ..
انت بسـ البنات اللى حواليكـ مابتحكيش :)

و نعرف بنات اتجننت فعلاً ..
لو شافت ولد مقرب منها تضربه (حقيقة)ـ
و دة طبعًا من اللى شافته ..

بنشوف البلاوى دى من شباب .. و كبار فى السن .. و أطفال
عشان كدة احنا بنخاف من كــــل الذكور اللى فى الشارع ..
فـ انت لو كنت راجل كبير .. و لقيت بنت جمبكـ فى المواصلات بتبعد شوية ..
ماتزعلش و تقول هى فاكرة هاعمل ايه و انا قد أبوها ..
للأسف اللى قد أبونا دول برضو مابيعتقوش!

الموضوع بيتعقد و بيكبر ..
احنا بقت عندنا ميول عدوانية من اللى بنشوفه ..
الحقونا من الجرائمـ اللى بتحصل فينا ...
قبل ماحنا اللى نبقى مجرمين!

الكنز فى الرحلة

كانت السماء ممطرة ..

و الشوارع مبللة ..

و الطرقات مظلمة ..

طقسـ قد يبدو للبعض به شيء من الكآبة ..

و لكنه لمـ يكن لى كذلكـ ..

رأيته من بعيد يسبقني بخطوات ...

أسرعت علني ألحق به ..

و عندما وصلت إليه .. وجدت مظلته تتسع لي ..

سرت بجانبه تحت مظلته ...

كان الظلامـ دامسًا ..

فجأة أنارت إضاءة البرق متسع السماء ..

فأصبحت الرؤية واضحة ..

تجرأت ونظرت فيه عينيه ..

واستطعت تأمل وجهه المليء بأسرار الكون ..

كانت رؤية وجهه تلكـ الليلة كفيلة للإجابة عن بعض الأسئلة التى طالما احترت فى إيجاد إجابات عنها ..

تذكرت حكاية إخراج الحي من الميت والميت من الحي ..

و كيف تُخرج الثمرة (وهى شيء حى) من بذور (شيء ميت) ثمرة أخرى ..

لا أتذكر إلى أين وصلنا ولا متى ..

لا أتذكر كمـ من الوقت استمر المطر ..

كان صوته له وقع الموسيقى على أذني ..

ـ"الكنز فى الرحلة"ـ ..

هكذا تعلّمنا ..

مسدس العيد

أيون ..

أنا البنت اللى كانت بتجيب مسدسـ لعبة فى العيد !

مسدسـ .. بمب .. سلكـ مواعين (أيون مواعين) .. 

طلقات + زلطـ ..

تلكـ كانت بعض أدوات العيد ..

الـ"مسدسـ" ...

مر علينا العديد من أنواعه ..

بدءًا بـ مسدسـ المياه الشفّاف ..

مرورًا بـ المسدسـ المزعج الذى يصدر أصواتًا إليكترونية مع بعض الإضاءات ..

إنتهاءًا بـ مالمسدسـ الحديد ..

ـ" سِلكـ المواعين" لمن لا يعرف ..

كنا نقومـ بـ إشعاله ثمـ ثحريكه بـ حركات دائرية سريعة ..

 فـ يصدر شرارات فى السماء مثل الألعاب النارية ...

أما الطلقات التى أتحدث عنها ...

كانت عبارة عن شريطـ أحمر أو وردى اللون ..

نفرده على الأرض ..

و نطرق فوقه بالـ"زلطـ" ..

و بعد عدة سنوات ظهرت الصورايخ ..

ثمـ السجادة ..

ـ" السجادة " كانت عبارة عن مجموعة صواريخ (حمراء و خضراء) صغيرة معقودة معًا ..

بـ مجرد إشعال الفتيل ... تفرقع كل الصواريخ تدريجيًا

بـ خصوص عيد الأضحى ..

كان من الضرورى حضور كل الذبائح فى المنطقة صباحًا ..

و بـ خصوص عيد الفصح ..

كان غالبًا ما نقضيه صباحًا فوق سطوح عمارة مينا و فادى ..

نلقى الصوايخ من أعلى المبنى !

نعمـ ..

كانت هذه بعض طقوسى فى الأعياد ..

أيون !

عيناه الصغيرتان

عيناه الصغيرتان ..
كمـ تمدنى بآمال كبيرة ...
كمـ تلهمنى الصبر على تحمّل رؤية عيون أصبحت أخشاها ..

كلا يا عزيزى ..
لا تتلفت ..
لا تنظر إلى تلكـ العيون ..
فـ هى ليست كعينيكـ الجميلتين ..
ليست صافية ..
إنها عيون زائفة ..
تبدو بريئة ..
و لكن يكمن كل الخبث بداخلها ..
خلف تلكـ الألوان ..
هناكـ لون آخر ..
لون جارح .. قاس ..
لن تتحمله ...
 قد يحنو أحيانًا .. و يقتل أحيانًا أخرى ..

أخشى على عينيكـ منها ..
 أخشى أن تتوقفا عن سرد الحواديت ....
 الحواديت التى لمـ أسمع شيئًا منها بأذناى ....
و قد لا أسمع أبدًا ...

حواديت تبحر بى إلى عالمـ آخر ..
حيث الألوان البيضاء ..
بما فيها من نقاء و ثلوج

أغمض عينيكـ الصغيرتين
و لا تنظر إليها ...

عم أمين

عمـ أمين ... حارسـ مسجد الطاوى .. المسجد اللى كان عند بيتنا القديمـ ..

معرفش ليه إفتكرته النهاردة ..

وقتها على ما أتذكر .. مكانتش خطبة الجمعة ليها علاقة بـ السياسة ..

خطبة الجمعة .. كانت درسـ دين .. مش درسـ سياسى ..

صحيح كان فيه بعضها متشدد شوية .. بسـ كان الكلامـ كله ف الدين ...

أيامها كنت بلعب فى الشارع مع محمد و مينا ..

لا كان فى بالى ديانة كل واحد ..

ولا حد كان بيكره حد ..

وقتها مكانش ليّا علاقة بـ السياسة ...

كل علاقتى بيها كانت خلال نشرة الأخبار الساعة 9 اللى بابايا كان بيتفرّج عليها ..

مجلسـ الشعب اللى كان بييجى عالقناة الأولى ..

كنت بستناه يخلص ..

عشان أتفرّج على مسلسل الساعة 8

زمان انا كنت فى مدرسة إسلامية ..

كان فيها حصة خاصة (غير حصة الدين) إسمها حصة قرآن ..

فاكرة بعض الشيوخ كانوا كويسين ..

و البعض الآخر كان متشدد ...

كان فيه شيخ بيقولنا : تومـ و جيرى حلال ... و النينجا تيرتلز حرامـ (عشان فيها عُنف)ـ..

المدرسين كان لازمـ يلتزموا بـ الوان معينة للبسـ ..

إسود - أبيض - رمادى

كل المدرسات محجبات ..

و كل التلاميذ مسلمين ..

بعدها فى إعدادى ..

رحت مدرسة إدارتها مسيحية ..

فيها مسلمين و مسيحيين ..

عندى صديقة منهمـ رجعت أشوفها بعد سنين .. 

جمعتنا المياديين فى المظاهرات

الله يرحمكـ يا عمـ أمين ...

لو تشوف خطب الجمعة بقالها كامـ سنة عاملة ايه ..

كنت هاتزعل أوى ..

طير يا حلمـ !

طير يا حلمـ فى الهوا ... طير

إوصل لـ أبعد نجمـ .. و غنى معاه

 إشبكـ فـ أقرب حلمـ يقابلكـ و إنسانى ..

و بلاش تنساه ~~

 

طير يا حلمـ فى الهوا .. طير

طير و إهرب من قلبى و من هواه ..

طير .. دة اللى خلق قلبى .. خلق سِواه 

إيه تانى اللى راح يجرى؟

وإيه تاني اللي راح يجرى؟

وإيه تاني اللي هايصير؟

صحاب راحوا فى الهجرة..

وصحاب جوّة بتغير..

بلد ضايعة وضمير ضايع..

وناسـ صايعة فى الشارع..

وعيل لسة يا كبد أمه بيتألمـ..

ما هي أمه ماتت من التفكير

تلميذ شايب في مدرسته..

وأبوه سايبه ورمى طوبته

وقامـ يبكي في خطوبته..

عروسته شهادة بالتقدير..

وإيه تاني اللي راح يجرى؟

شباب ماتت من الحي..

وشويش معدى رايح جاي..

يلمـ الشلة مالتحرير

في قلب الموت بقت عيشة..

ونار تصبح وناسـ طيشة..

لا هشت يومـ ولا نشّت..

ويوماتي تلعن فى التغيير..

مستنى إيه كمان لسة؟

سكوتكـ أصبح من الخِسة

 صبركـ دة مُر وشيء م الذل

دول وصموا أهلكـ بالتكفيير!