خيوط الضي

ياما تاهت في عيوننا كل الملامح ..

ياما شفنا الضوء طاير وسارح ..

 ياما عشقنا ألوانه ..

 ياما سحرنا بجماله

وياما حبينا والحب بين خيطه كان جارح

فى الليل بيصحى ويلالى ..

وينادى عليّ: تعلالى ..

أروح لعلى بهداه أرتاح ..

وأنامـ بين ضياه مرتاح ..

ألاقينى لسة لا عارف أنسى ولا بسامح

ياخيط ضى واخدني من الدنيا

لا ليكـ زي ولا شبهكـ حاجة تانية

ياخيط  لامع جاى من العتمة

جايبلى هوايا ولا موتة من الكتمة؟

هافضل زى مانا نملة؟ ولا هاصير حصان جامح؟

بسلمـ نفسى ليكـ وبسيبها ..

تعيش وياكـ أساليبكـ مش أساليبها

ألمسـ بيدى خيوطكـ وأفردها ..

وأطير ويّاها وأزور عيدها ..

هافضل كدة طاير؟ ولا هاقع من فوق هدية للدابح؟