كان ماشي جنبي في المسيرة
ونعدّى من شارع لحارة
والمطرة يومها كانت غزيرة
وهو بيهتف ويايا بحرارة
شاف الجموع بعيونه الصغيرة
أحلامهمـ واضحة من غير ستارة
حِلِمـ معاهمـ أحلامـ كبيرة
إيمانه بيها مش محتاج أبدًا أمارة
وطرنا من المظاهرة على النادي
حيث الأهلى عشقه .. وذكرى الشهدا بتنادي
كان أول لقاء بينّا هو نهار الليلة دى
وكسب قلبى يومها .. كسبه بجدارة
روّحناهمـ وناموا في أمان
وبعد سنين وفي نفسـ المكان ..
ظهر الشيطان في صورة إنسان
واختارت طلقته روحه وسابت لينا الخسارة
صاحبي يوسف لسة جنبي
دقات قلبه سامعاها ويا قلبي
رغمـ الأسى .. شايفة ابتسامته منوّرة
مش مجرّد صورة مرسومة على الصنّارة
