مطلوب عروسة عايزة تعيش
أسطة طبخ وكنسـ ومسح الشيش
حلوة وحشمة وراضية قليلها ..
ولا تطلب فسحة ولبسـ وفرو وريش!
عايزها ساذجة ومابتقراش
وعلي نياتها يا إمّا بلاش
وعينها لعينى مابتعلاش ..
وعن عينى الزايغة ماتكلمنيش!
عروسة تربّى ليّا ولادى
وتستحملنى بطبعى السادى
ودى شغلتها فى الدنيا دى ..
وطبعًا شغل .. دة لأ مافيش!
مطلوب عروسة بسرعة أوامـ
ومش مهمـ المهر بكامـ
مادامـ غسيلى وأكلى تمامـ ..
يبقى أنا شارى وبالبقشيش!
يبقى أنا شارى وبالبقشيش!
رغم قتامة الصورة .. إلا أنها ( للأسف) حقيقة واقعة .. وما يزيد الأسف أن الكثير من البنات يُسلمنَ ذواتهن لمثل هذه النوعية من العلاقات .. رغم أسفي عليهن أوافق علي الصورة المريرة .. صباح الخير عليكِ .
ردحذفصباح الفل
حذفانا شارى
ردحذفوبالبقشيش؟
حذف